Dende que musicasturiana.com entamó’l so llabor de distribución dixital en branu de 2017, vien publicando periódicamente llistes colos artistes, cantares y álbumes más sentíos en plataformes musicales de tol catálogu qu’alministra y que ta formáu por más de 500 referencies. Nel pasáu 2025 estes referencies algamaron más de 4 millones de reproducciones nes plataformes de streaming (Spotify, Apple Music, Amazon Music, Deezer, Soundcloud…) a lo llargo de 145 países de tol mundu.
La banda más veterana del rock astur, con un inconfundible soníu qu’amesta rock, punk, ska, reggae, funk… a lo llargo d’una estensa discografía.
Unos imprescindibles del folk asturianu que lleven dende mediaos de los años 80 recuperando, reinterpretando y calteniendo la tradición sonora del país.
La banda l.leniza de folk-rock lleva un tiempu ensin asoleyar material nuevu ni dar conciertos, pero’l públicu sigue sintiendo la so música y naguando por un regresu.
Otros clásicos del folk celta asturianu, con cuasi 30 años d’actividá y que’l pasáu 2025 volvieron a sacar material discográficu col EP El Zanjón.
Esta banda de punk-ska-folk festexó’l pasáu añu 20 años d’actividá llanzando un trabayu nuevu que caltién el so estilu reivindicativu y festivu.
Otra de les bandes más importantes del folk asturianu acústicu que’l pasáu añu tornó col EP Si quies que baille contigo.
Anque lleven dende 2015 ensin publicar un trabayu, esta banda punk-folk sigue siendo una de les más escuchaes del xéneru.
L’agrupación de música tradicional y la so discografía son una ayalga pa caltener y esparder los soníos de raigañu del país.
La banda de gaites llanisca llanzó en 2025 el so tercer trabayu, Resollu, y nél continúa una llinia sonora qu’apuesta por tener un pie na tradición y otru na modernidá.
Con un únicu discu publicáu, el cuartetu de música tradicional renovada conviértese nún de los artistes más escuchaos del país.
Pieza tradicional del gaiteru Guti recoyida nesti discu asoleyáu en 2003.
Ún de los himnos más actuales de Felpeyu, con lletra dedicada a la memoria histórica.
Cantar escrito n’asturianu occidental que trata la temática de la emigración nel mundu rural.
Un orixinal himnu dedicáu a la música’l país.
Cantar del grupu folk-rock centráu n’Asturies.
Tema nel que la mítica formación fai gala na lletra del so humor característicu.
Ironía y reivindicación nún de los primeros cantares qu’asoleyó esta banda lluanco-candasina-maliaya.
Pieza instrumental del últimu trabayu publicáu por esta banda fundamental de la música asturiana.
El cantar qu’abre’l primer discu onde Muyeres inclúi temes de composición propia.
Ska y soníos balcánicos nún tema que la banda rock-astur dedicó a un fechu asocedíu mentanto la revolución d’ochobre de 1934.
L’estrenu discográficu de la banda punk-folk, formáu por diez himnos.
L’últimu álbum de llarga duración qu’asoleyó esta formación folk.
L’estrenu discográficu de la formación mierense qu’axunta pieces tradicionales y otres de composición propia.
El primer discu que llanzó esta moza banda de power folk.
Discu que publicó en 2009 l’artista más importante del pop llariegu.
L’últimu trabayu qu’asoleyó en 2015 esta banda folk-rock.
El primer discu nel que Muyeres renueva la so propuesta musical y estética, con temes de composición propia.
Hubo qu’esperar 19 años, pero’l regresu discográficu de Llan de Cubel amuesa qu’el tiempu pagó la pena.
La formación ribeseyana de folk estrenóse nel añu 2000 con esti discu qu’inclúi varios de los sos clásicos.
El primer discu d’esta agrupación dirixida por Bras Rodrigo.
1. Estáu español — 3.313.326 reproducciones
2. Estaos Xuníos — 165.601 reproducciones
3. Méxicu — 91.878 reproducciones
4. Francia — 66.760 reproducciones
5. Chile — 32.449 reproducciones
6. Arxentina — 31.951 reproducciones
7. Reinu Xuníu — 31.860 reproducciones
8. Alemaña — 28.023 reproducciones
9. Brasil — 22.690 reproducciones
10. Italia — 18.975 reproducciones
Suscríbite a les nuestres novedaes
