El concursu Premios AMAS vuelve poner en marcha una nueva edición del FestiAMAS, una de les principales plataformes de promoción pa la música fecha n’Asturies. El certame ta abiertu a bandes y artistes asturianos de cualquier estilu, ensin importar si tienen o non trabayos discográficos publicaos, reforzando asina’l so papel como escaparate de la escena musical del país.
Según les bases, polo menos un miembru del grupu tien que ser menor de 35 años, y el 60 % de la formación ha tener vinculación con Asturies, yá seya por nacencia, residencia o ascendencia. Les bandes interesaes van poder inscribise hasta’l 6 d’abril de 2026, unviando dos temes propios en formatu mp3, amás d’información y material promocional del proyectu. La inscripción ye gratuita y les bases completes pueden consultase equí.
El Festi AMAS estructúrase en semifinales y una final en directo y retresmitida pela TPA, con actuaciones que van percorrer distintos puntos del territoriu asturianu y que, n’ocasiones, son retransmitíes pola televisión autonómica. Les bandes tendrán que presentar un repertoriu de temes propios d’una duración aproximada de venti minutos, anque nel casu de la música tradicional permítese l’usu de pieces d’autoría anónima. El grupu ganador va llograr la grabación d’un discu profesional —con hores d’estudiu, mezcla y masterización incluyíes— y un conciertu remuneráu nun conceyu asturianu, consolidando’l concursu como trampolín real pa les bandes emerxentes.
Suscríbite a les nuestres novedaes
