Los díes 24 y 25 de xunetu el barriu xixonés de Ciares va acoyer otra edición de les sos fiestes populares, un eventu nel que la música’l país ta presente tolos años. Pa presentar el cartelu de la programación completa, les Pandereteres de Ciares -col sofitu de l’asociación Esto ye Ciares y l’equipu fútbol UC Ceares- entamen la segunda edición Ciares en danza. La cita ye esti vienres a les 18.30h nel Campu Fútbol de La Cruz y nella va haber va haber música, micru abiertu y baille asturianu, calteniendo asina l’exitosu formatu de la edición del pasáu añu.
Dende’l so nacimientu hai seis años, l’asociación vecinal Esto ye Ciares vien desendolcando delles actividaes nes que la música asturiana tien protagonismu. Exemplu d’ello ye la folixa qu’entamen pol Primeru de Mayu; les clases de pandereta que dan nel so llocal, gracies a les que surdieron les Pandereteres de Ciares; o les sos fiestes populares que na edición d’esti añu va acoyer a 10 grupos rock y folk que van conocese nel Ciares en danza d’esti vienres xunto a toles demás otres actividaes programaes.
Suscríbite a les nuestres novedaes
