‘Llingua y Rock (1976-1996)’ ye’l llibru de Xune Elipe (Dixebra, Goxe/L’Aguañaz, Soncai System…) dedicáu a la historia del rock n’asturianu dende’l so surdimientu en 1976 hasta 1996, fecha na qu’asoleyó esta obra editada por AYDA (Alfabetización y Deprendimientu del Asturianu). El llibru taba descatalogáu dende cuantayá, pero tán acabante d’apaecer la última docena d’unidaes que yá se pueden mercar en musicasturiana.com.
El trabayu destaca por ser la primer obra dedicada esclusivamente a analizar el rock fechu na llingua autóctona y a lo llargo de les sos 95 páxines repasa la trayectoria de los grupos pioneros del xéneru: Asturcón, Renacencia, Guaxa, Deva, Güextia, Karne Antisocial, Dixebra, Los Berrones, Puxarra, Avientu y Asturtralla; amás d’otros que, anque cantaren n’otres llingües, usaron de xemes en cuando l’asturianu nes sos lletres.
Suscríbite a les nuestres novedaes
