«Agarráu de La Maramoniz» ye’l single de La Maramoniz, que tamién anuncien crowdfunding

El grupu nuevu formáu por Mapi Quintana, César Latorre, Juanjo Díaz y Sonia Cartón, La Maramoniz, ta acabante d’asoleyar l’Agarráu de La Maramoniz, primer adelantu del so discu homónimu. Música tradicional y estétiques más vanguardistes van de la mano nesti proyectu qu’axunta la inspiración de los cantares que Mapi Quintana sintió a so güela y temes de composición propia. El diseñu ye de Leticia Baselgas y la previsión ye que l’álbum salga en xunu de 2023 y pa financiar esti trabayu -y el de Música pa Tornar Páxaros-, l’artista l.leniza anuncia que a partir de la selmana que vien van llanzar un crowdfunding en Verkami.