Algaire, Dixebra y Mostru l’Horru son los finalistes del XIV Premiu Camaretá al Meyor Cantar

La Conseyería de Cultura, Política Llingüística y Turismu ta acabante d’anunciar el nome de los cantares finalistes del XIV Premiu Camaretá al Meyor Cantar. “Coral y maera” d’Algaire, “Como’l mar” de Dixebra y “Fíu d’un pueblu” de Mostru l’Horru son los tres cantares que van sonar na gala del Premiu Camaretá 2022 el próximu 22 d’ochobre nel Teatru La Llaboral de Xixón. Esi día, tres l’actuación en directo de los tres finalistes, un xuráu formáu por especialistes en música y llingua asturiana va decidir el cantar ganador que va tar premiáu con 6.000 €, la realización d’un videoclip y actuaciones promocionales pal Gobiernu del Principáu d’Asturies.

“Fíu d’un pueblu”, con lletra de Francisco Méndez y música de Yannick Gutiérrez, ye’l primer cantar que publica Mostru l’Horru, dúu de rap n’asturianu formáu esti 2022. “Coral y Maera”, con lletra y música de Luis Ángel Fernández Santos, ye’l cantar que da nome al primer discu d’Algaire, banda mierense formada por tres pandereteres y un guitarrista que ta teniendo abonda sonadía. Pero último, “Como’l mar”, con lletra y música de Primi Abella, ye’l cantar del llibru-CD ‘Ente la niebla’ que la veterana banda de rock astur, Dixebra, escoyó pa presentase a esti Premiu Camaretá al Meyor Cantar..

Dexa un comentariu

X