Dende va unos años Algaire feliciten la nuechebona con un videoclip navidiegu y nesta ocasión el grupu de música tradicional fusionada quier que participe’l mayor númberu de xente posible. Pa ello faen una convocatoria abierta pa esti sábadu 13 a les 17h na Plaza del Ayuntamientu de Mieres -Conceyu que sofia la iniciaitva- col oxetivu de facer «una danza tochísima«, como anunciaron a traviés de les redes sociales.
En saliendo esti llanzamientu, va ser la cuarta vegada qu’Algaire felicite la navidá con un cantar y videoclip. En 2022 asoleyaron un Villancicu tradicional de Villalegre (Avilés), en 2023 ún de los Báscones (Grau) y en 2024 ún basáu nuna pieza tradicional de Tameza con lletra de Gonzalo G. Pumares (Cerezal, Vérsica).
Suscríbite a les nuestres novedaes
