Siguen estrenándose más videoclips de formaciones de música asturiana. La próxima novedá va ser la ‘Muñeira de Sotrondio’ de Caparines, que va asoleyase esti miércoles 21. La formación de música tradicional -venceyada al conceyu de Samartín del Rei Aurelio- va facer l’estrenu a les 18.30h nel Centru Social de Blimea dientro d’un actu nel qu’amás van interpretar en directo dalgunos de los cantares más representativos del so repertoriu.
El videoclip de ‘Muñeira de Sotrondio’ ye’l primeru que llanza esta formación y n’Instagram yá pue vese un teaser d’adelantu. Foi producíu y dirixíu por 1527 Estudio Rural -en collaboración col Conceyu de Samartín del Rei Aurelio-, una axencia de comunicación que puxa por visibilizar les formes de vida nel mediu rural. D’esta manera, Caparines y 1527 Estudio Rural planteguen que «axunten esfuercios pa caltener viva la cultura asturiana, reforzando’l compromisu cola múisca tradicional y el llegáu colectivu d’Asturies».
El llanzamientu d’esta obra ye l’estrenu discográficu de Caparines, banda femenina dafechu qu’entemez tradición y sensibilidá nun proyectu artísticu qu’homenaxea a los raigaños culturales asturianos. Con panderetes, flauta, vigulín y voces, el grupu trabaya col repertoriu popular asturianu dándo-y a la par una mirada actual.
Suscríbite a les nuestres novedaes
