El vienres 24 de febreru celebróse nel Teatru Filarmónica d’Uviéu la gala d’entrega de la Premios AMAS 2022. Nella recibieron premios ocho nomes que tienen rellación cola escena de la música n’asturianu y gallego-asturianu: Eva Díaz Toca (Slum Suit y Xaime Arias Trío), premiu a meyor batería; Banda Gaites El Gumial, na estaya de gaita; Luis Núñez, meyor lletrista; Llevólu’l Sumiciu, na estaya d’electrónica; La Tarrancha, meyor directu; L’Aremu de Guieldu, meyor canción folk; Coral y Maera d’Algaire, meyor discu folk; y Fuerces pa baillar d’Alfredo González, meyor canción d’otres escenes. El llistáu total de premiaos pue vese na web de los Premios AMAS.
Nesta edición 2023 taben nominaos 26 nomes d’artistes venceyaos a la escena musical que se fai nes llingües autóctones d’Asturies. Como cada añu, les estayes nes que más nominaciones hai pa la música d’espresión asturiana son les venceyaes a la música folk. Nesti sen, esti añu tán nominaos a Mejor Disco Folk los grupos Slum Suit con “La Casa Vieya“ Fruela 757 con ‘Fabril‘, Algaire con ‘Coral y Maera‘ y Burbús col EP homónimu ‘Burbús‘. Na estaya de Mejor Canción Folk los escoyíos pol xuráu son la Jose Manuel Tejedor con “Les tos nales“, Bango con “Soul Dream“, La Garrapiella con “Valses de la Garrapiella” y Guieldu con “L’Aremu“. Na estaya de Gaita, tán les bandes de gaites de Candamu, Ribeseya, El Gumial (Ayer), y El Penedón (Castropol).
En cuantes a instrumentistes, tán nominaos Susana Gudin de Taranus y Marcos Álvarez de Cerezal na categoría de Voz; Juan Carlos Vega de Cerezal en Baxu; Eva Díaz Toca (de Slum Suit y Xaime Arias Trío) na estaya de Batería; Richard García (Jose Manuel Tejedor) en Teclaos; Eladio Díaz (Dixebra) en saxu y David Varela (curdión diatónicu) n’Otros Instrumentos. Tamién tán los lletristes Luis Núñez y Boni Pérez y na estaya d’Electrónica ta nomináu Llevolu’l Sumiciu.
Doble candidatura hai pa la música asturiana na estaya de Directu coles nominaciones de La Tarrancha y Dixebra. Completen la llista Alfredo González con “Fuerces pa Baillar“, en Canción otres escenes y Mostru l´Horru en Canción música urbana con “Paxarina“
Suscríbite a les nuestres novedaes
