Yá asoleyó ‘Intoxicación Astúrika«, un discu fechu n’Asturies n’homenaxe de la banda vasca de punk-metal Soziedad Alkoholika. Venti bandes participen nesti tributu, cola particularidá de que dalgunes d’elles versionen los cantares de S.A n’asturianu. «Rates» de Mesenktet, «Yá Fieden» de Sartenazo Cerebral, «Palomes y Buitres» d’Another Machines, «Cuando Nada Val Nada» de Jeremías El Babuíno o «Vímonos en Berlín» d’Actvs Mortis, son dalgunos de los exemplos.
‘Intoxicación Astúrika’ ye un proyectu ensin ánimu de llucru desendolcáu por Txeffy (Actvs Mortis) y Oscar (Kraken A Feira) a traviés de TupayetumaProducciones. Bandes rock, metal, punk, hardcore, grindcore y incluso electrónica participen nesti tributu. Nun ye la única vez que cantares d’una banda del rock vascu suenen n’asturianu. En 2006 asoleyara un «Tributu a La Polla Records dende Asturies«, nel que Skama la Rede y La Tarrancha versionaron n’asturianu «Tumba 37» y «Fin de sieglu«.
Suscríbite a les nuestres novedaes
