Esti fin de selmana la música vuelve sonar en distintos puntos d’Asturies con conciertos, presentaciones lliteraries, alcuentros folclóricos y cites dedicaes a la música’l país. Dende la canción d’autor y el rock astur hasta la música tradicional y les actividaes pa públicu familiar, esta ye la guía de los eventos musicales recoyíos na axenda de Musicasturiana.com.
XUEVES 19 DE MARZU
18:00 — Xaime Martínez y Nacho Vegas
Toma 3 (Xixón)
Llectura de Pábilun, obra del músicu y escritor Xaime Martínez. L’actu inclúi una conversación col cantautor Nacho Vegas.
19:30 — Marisa Valle Roso
Casa de Cultura d’Avilés
Mesa redonda titulada Asturies, muyeres y movimientos, na que la cantante Marisa Valle Roso participa xunto a Aitana Castaño, Begoña Piñeiro y Maricusa Argüelles.
VIENRES 20 DE MARZU
20:00 — Caparines
Café Cocolé (Avilés)
Conciertu d’esti grupu de música tradicional que combina xiblata, panderetes, voz y percusión.
20:00 — Lolo Cabranes y Fonsu Les Regueres
Chigre La Maléfica (L’Infiestu, Piloña)
Actuación de gaita y canción asturiana nesti chigre qu’apuesta pola música’l país.
21:00 — Skama la Rede
Kuivi Almacenes (Uviéu)
Venti aniversariu d’una les bandes referenciales de la segunda xeneración del rock astur. Conciertu especial con una ventena de collaboraciones.
SÁBADU 21 DE MARZU
12:00 — I Muestra Folklórica Arduriu Pixuatu
Cuideiru
Alcuentru de grupos folclóricos con desfiles y bailles nel que participen Arduriu Pixuatu, Brisas de Aguilar, La Folixa y La Hedra.
13:00 — Pop Piquiñín
Muséu del Ferrocarril (Xixón)
Presentación y forma de discos del discu Pop Piquiñín. Una escoyeta de les canciones n’asturianu de Petit Pop.
17:00 — David Varela
LABoral Centru d’Arte y Creación Industrial (Xixón)
Conciertu-taller pa la reciella nel que David Varela propón un percorríu pola creatividá popular asturiana al traviés d’instrumentos musicales sostenibles.
DOMINGU 22 DE MARZU
10:30 — Día Internacional de la Gaita
Casa de Cultura de Noreña
Xornada dedicada al instrumentu emblemáticu d’Asturies con conferencia, charra, homenaxe y pieslle musical.
13:00 — Espectáculu Poéticu-Musical Teodoro Cuesta
Auditoriu Teodoro Cuesta (Mieres)
Actu pa presentar el llibru del Premiu de Poesía “Teodoro Cuesta”, con recital, música de JazzBand y participación del Coru Infantil del Conservatoriu de Mieres.
13:30 — Carlos Velasco y Chino El Indio
Casa Conceyu de Cabranes
El cantante Carlos Velasco y el guitarrista Chino el Indio reinterpretan clásicos de la canción asturiana.
17:30 — Festival Infantil de Baille de Xaréu d’Ochobre
Bustiello (Avilés)
Festival infantil de baille tradicional entamáu pola agrupación Xaréu d’Ochobre.
Suscríbite a les nuestres novedaes
