Col arranque de xunetu, entama per tercer añu la temporada del Kuivi Pop Up, programación cultural diaria qu’esti añu va ser dafechu nos Almacenes Kuivi d’Uviéu, l’espaciu físicu que nació nel barriu de La Ciudá Naranco dempués d’unes esperiencies temporales n’Otero y nos terrenos del HUCA Vieyu. La música n’asturianu va tar presente esta selmana colos conciertos de L-R y Lïbre.
Esti miércoles 2 a les 20.30h actúa’l L-R, dúu formáu por Leticia Baselgas y Rubén Bada que van llevar el so post-folk a esti espaciu carbayón. Pal sábadu 5 a les 21.30h ye’l turnu de Lïbre, cuartetu de rock alternativu formáu por componentes de Misiva, Mala Reputación, Origen y Desakato que s’alcuentra anguaño presentando’l so primer EP, Ciudadano Lunar, nel qu’entemecen temes en castellanu y n’asturianu. Precisamente ún d’ellos, ‘L’Ablugada’ foi recientemente nomináu al XVII Premiu Camaretá al Meyor Cantar.
Suscríbite a les nuestres novedaes
