El FIG publica’l videu de l’actuación de La Bonturné nel festival

2020 y 2021 foron dos años marcaos pol andanciu y nos que munchos festivales y eventos culturales que quixeron siguir alantre cola actividá tuvieron qu’adaptar el so formatu a les circunstancies sanitaries. El FIG (Festival Internacional de la Gaita de Villaviciosa) foi ún d’ellos, que creó’l DesconFIGnamientu Fest pa poder desendolcar l’actividá cumpliendo les restricciones pol Coronavirus. Una de les particularidaes de les dos ediciones que fixeron con esti formatu foi la de grabar los conciertos pa llueu publicalos en YouTube. Asina ye como se puen ver, ente otres, les actuaciones de los grupos asturianos Cerezal, N’Arba que tocaron na edición de 2020, y agora la del cuartetu de bal-folk La Bonturné.

Mira’l videu de La Bonturné nel FIG