El grupu bluegrass Voodoo Grass publica’l so primer tema n’asturianu

La llingua asturiana va abriendo espaciu en nuevos soníos y cada vez son más los grupos que, anque canten en castellanu o inglés, incorporen dalgún tema n’asturianu nel so repertoriu. El casu de la banda de rock & roll, bluegrass, swing y folk Voodoo Grass ye l’exemplu nuevu. La formación llangreana ta acabante d’asoleyar en toles plataformes dixitales «Negres Cenices«, primer adelantu del so segundu trabayu, ‘Revolución‘, y nel que cunten cola collaboración d’un míticu del hardcore-punk: Pirri d’Escuela de Odio.