El Grupo Ensinluz de Cabranes gallardonia col Premiu Joaquin Lloris de Cultura Asturiana al Archivu de la Tradición Oral d’Ambás (ATOAM) pol so llabor de recopilación y difusión del patrimoniu musical tradicional asturianu. L’actu d’entrega va ser el sábadu 7 d’avientu en Santolaya a les 19.30h.
L’ATOAM ye un proyectu qu’entamó Xosé Antón Fernández «Ambás» na década de los 90. al que s’incorporó Ramsés Ilesies poco dempués. L’amuesa más evidente y conocía del so llabor foi’l programa Camín de Cantares, qu’enllenó la TPA de patrimoniu oral con más de 200 programes ente’l 2000 y el 2017. L’añu pasáu retomaron la divulgación na televisión pública con Siguir en Camín. Amás, lleven décades faciendo llabor pedagóxico dientro y fuera’l país. El colectivu destaca la relevancia del archivu por ser «una fonte importantísima de repertorios pa grupos de folk y música tradicional asturiana como TUENDA o N’ARBA nos qu’Ambás foi cantante pero tamien d’otres formaciones y grupos como MUYERES o L’Andecha Folclor d’Uviéu nel trabayu de repertorios de La Navidá».
Suscríbite a les nuestres novedaes
