Entama ‘Música en rede’, l’alcuentru de la industria musical

Esta tarde entama Música en Rede, el primer alcuentru profesional de la industria musical d’Asturies qu’entama’l gobiernu asturianu. Hasta’l xueves 18 va haber sesiones formatives, meses redondes, alcuentros comerciales, presentaciones de proyectos y doce showcases, de los que seis van ser d’artistes de música n’asturianu: L-R, Mapi Quintana, José Manuel Tejedor, Algaire, Ferla Megía y Héctor Braga, que van compartir escenariu nel Paraninfu y nel Teatru de La Llaboral xunto a otros proyectos d’Asturies: Elena del Frade, Galgo, César Latorre, Pablo Canalís, Fee Rega y Mardon. La entrada ye llibre pero hai qu’acutar entrada na web de caún de los conciertos axendaos .

Música en Rede, Alcuentru Profesional quier establecer un puntu d’alcuentru profesional  y comercial ente los axentes implicaos na industria musical, mostrando’l trabayu  d’artistes asturianos, creando sinerxes ente profesionales del sector y xenerando espacios d’alderique. Pa eso, amás de les actuaciones, va haber cuatro sesiones  formatives (Erbíes); cuatro meses redondes (Conxustes); un puntu d’asesoramientu (En  rede) en dos tardes; y dos presentaciones curties de proyectos (Rolda) nes que 14 artistes, promotores y empreses van presentar los sos trabayos. 

Música en Rede, Alcuentru Profesional realízase nel marcu d’Asturies, Cultura en Rede, un proyectu de la Conseyería de Cultura, Política Llingüística y Deporte xestionáu pola  Sociedá Pública de Xestión y Promoción Turística y Cultural del Principáu d’Asturies. 

Participación de Musicasturiana.com

 Musicasturiana.com va participar dientro de Rolda, la parte destinada a presentaciones de proyectos durante siete minutos. Xicu Ariza, responsable d’esti espaciu especializáu na música n’asturianu y gallego-asturianu y de la promotora de conciertos en llingües minorizaes Ixuxú Cultura, va facer una presentación d’estos dos proyectos el miércoles 17 d’abril dende les 15.45 hores.

RESUME DE LOS CONTENÍOS Y PROFESIONALES. MÁS INFORMACIÓN NEL PROGRAMA

  • Erbíes. Talleres formativos de:
    – Desarrollo de aspectos técnicos y legales en las propuestas artísticas, con Patricia Hermida (Asociacion Galega de Empresas Musicais)
    – El papel de la persona encargada de la programación en la gestión y organización de eventos, con Germán Quimasó (Sonde3) y Jordi Lauren (PlayPlan)
    – La creación de audiencias, con Georgia Taglietti (The International Consulting Network for Arts&Culture)
    – Las herramientas público/privadas para el desarrollo de proyectos musicales sostenibles, impartida por Xavier Cester (ICEC)
    – Los calendarios y cronogramas en la producción musical, con Rómulo Sanjurjo (Jau Cultura).
  • ConxustesMeses redondes sobre:
    – Asociacionismo y profesionalización del sector, con Patricia Hermida (AGEM), Manuel Alonso (Músicas Ao Vivo), Bree Delian (Llar) y Pilar Aguilar (Sympathy for the Layer)
    – Modelos de internacionalización musical, con Lidia Hinojo (Fira Mediterrània de Manresa) y Armand Llácer (Fira Trovam)
    – Medios de comunicación y música: estado de la cuestión, con Sandra Costa (La Costa Comunicació), Bea Camiña (Produtriz Agency) y Ana Gómez de Castro (Live Nation).
  • LlaborActuaciones de Elena del Frade, Galgo, L-R, César Latorre, Ferla Megía, Pablo Canalís, Fee Reega, Mapi Quintana, Alberto & García, José Manuel Tejedor, Algaire, Héctor Braga y Mardom.
  • Puntu d’asesoramientu En Rede, nel que van participar Bea Camiña (Produtriz Agency), Patricia Hermida (AGEM), Rubén Otero (Luneda), Manuel Alonso (Músicas Ao Vivo) y Pilar Aguilar (Sympathy for the Lawyer).
  • Rolda. Un mínimu de 20 presentaciones de 5 minutos caúna.
  • Xuntes Comerciales breves pa promover los intercambios ente empreses (artistes y promotores o distribuidores) y los programadores y xestores culturales

Dexa un comentariu

X