Entama un fin de selmana enllenu de folk, canción d’autora y asturianada

Hai seis cites en Colunga, Llanes, Siero, Xixón, Llanera y Tinéu con programación de conciertos, talleres, pinchaes y concursos

Eventos

La música asturiana va resonar esti fin de selmana con seis cites estremaes. L’axenda entama’l sábadu 17 nel Casinu de Llanes, onde va tocar la cantautora canguesa Tania Pereira a les 19.30h. Esi mesmu día, tamién nel oriente’l país, actúen Rollu Folk en Colunga a les 20.30h nes fiestes de San Isidru de Lluces. El domingu 18 concentra la mayor programación col XIII Concursu de Canción Asturiana Conceyu Siero (CPI Llugones, 11.30h); el LABShop de Xixón nel qu’hai un taller de baille a les 12h impartíu por María Vázquez y Pau Santirso y una pinchada de DJ Fañagüeta a les 13.30h; un conciertu de La Bonturné en Navelgas (Muséu del Oru, 12.30h) y Anabel Santiago con Compañeras nel Parque Ovidio Libardón de Llugo Llanera.

Tola programación detallada d’equí a los próximos meses pue vese na Axenda de Musicasturiana.com.