Entós y Matazúa concursen pola música asturiana nel Folkez Blai d’Ermua

Esti fin de selmana celébrase n’Ermua (Bizkaia) la XX edición de Folkez Blai, un concursu que dende hai dos décades puxa poles músiques de raigañu d’estremaos territorios. Na edición d’anguaño Asturies va tar representanda a traviés de la formación folk candasina Matazúa -actúen el sábadu 13 a les 19.45h- y pol tríu de folk de cámara Entós, que toca’l domingu 14 a les 18.30h.

Los grupos qu’algamen nesti certame los dos primeros puestos van recibir un premiu de 3.500 y 2.000 euros respectivamente. N’otres ediciones d’esti concursu entamáu pol Ayuntamientu d’Ermua xunto a actores de la escena folk d’ellí participaron bandes asturianes como Vrienden, Algaire o Picarós.