Siguen les semifinales de la XIV edición del Concursu de Canción Asturiana Conceyu de Siero. Esti domingu 8 de marzu a les 11.30h el Teatru Auditoriu de La Pola (Siero) acueye la segunda semifinal na que van competir once de los ventiocho semifinalistes clasificaos pa ún de los eventos institucionales más veteranos dedicaos a l’asturianada.
Les y los cantadores que participen esti domingu en La Pola son: Fernando Fernández Arduego (Amieva), Manuel López Menéndez (Cangas del Narcea), Ricardo Balmori Suero (Cabrales), Elena Granda Infiesta (Ribeseya), Aqulino Fernández González (Llangréu), Maribel Morán (Llaviana), Carlos Velasco Montes (Bimenes), Cristina Sánchez Sánchez (El Valle Baju de Peñamellera) y Esteban Verdeja Martínez (Cantabria). Amás Esteban Verdeja y Maribel Morán compiten tamién na modalidá de canción ayerana; Mario González na categoría moza y na de canción dialogada faenlo Cristina Sánchez Sánchez y Manuel Roza Llera
El gaiteru oficial ye Valentín Fuente y el presentador ye Miguel Ánxel Montenegro. Esti certame ta entamáu por AFATRA (Asociación de Folclore Amigos de la Tradición) col sofitu del Ayuntamientu de Siero y va celebrase hasta’l 19 d’abril tolos domingos nel Teatru Auditoriu de La Pola. El 10 de mayu va ser la gala de premios d’esti concursu que ye clasificatoriu pal Premiu Nacional Obdulia Álvarez «La Busdonga» d’Asturianada.
Suscríbite a les nuestres novedaes
