Esti vienres acaba’l plazu pa participar nel Programa de Residencies Artístiques de La Llaboral

Laboral Ciudad de la Cultura abrió una nueva convocatoria pa un Programa de Residencies artístiques de xineru a xunu del 2023. Esti programa ta dirixíu a proyectos escénicos, teniendo tamién cabida dellos proyectos musicales que vayan acompañaos de una propuesta escénica. Esti vienres 9 a les doce del mediudía remata’l plazu pa presentar proyectos a estes residencies que dende 2015 impulsen la creación y investigación escénica, aportando recursos económicos, materiales y humanos del Teatru de la Llaboral pa la concepción, creación y puesta en escena de les obres.

Van concedese seis residencies, con ayudes ente los 1.000 y los 4.000 euros, y con una duración máxima de cuatro selmanes. Nesti tiempu, pue disponese durante 21 díes de sales d’ensayu y ente 3 y 5 díes del espaciu escénicu del Teatru de La Llaboral. Les compañíes qu’accedan van cuntar tamién con un responsable técnicu del equipu del teatru, pa les tarees que se precisen, durante 110 hores, y con 30 hores de personal auxiliar pa carga, descarga y montaxe de material.

A la hora de valorar los proyectos, va tenese en cuenta la proyección territorial, la calidá y el valor artísticu de la propuesta, asina como la viabilidá técnica en relación a los medios disponibles y van puntuase adicionalmente a los proyectos que fomenten la igualdá, la diversidá y la difusión del asturianu y el gallego-asturianu. Les bases de la convocatoria -na que pueden participar tamién proyectos musicales siempre que tengan un componente escénicu xunto al musical– y la información detallada pueden consultase na web laboralciudadelacultura.com.

Dexa un comentariu

X