Fernando Valle Roso y Silvia Moreno actúen nel capítulu 16 d’Amosando
0 comentarios
Yá ta disponible en YouTube el capítulu 16 d’Amosando, el ciclu de presentaciones de discos en formatu íntimu grabaos y retresmitíos por Internet qu’entamamos musicasturiana.com. Nesta emisión Fernando Valle Roso y Silvia Moreno presenten ‘Cantares de… y pa neñ@s‘, el so primer discu conxuntu. Con él, reivindiquen les canciones tradicionales que per munchos años la reciella asturiana cantaba pa divertise y que nos últimos tiempos foron escaecíendose. Pa qu’estos sones espoxiguen dan esti conciertu didácticu y grabaron un discu homónimu nel que compilen y reinterpreten diez d’estes pieces populares.
