Gaiteros del Carbón nun aparen y siguen dando novedaes y recibiendo alegríes colos actos de celebración del so X Aniversariu. Hai unos pocos díes poníen a la venta les entraes pal conciertu col que van festexen una década n’activu y güei anunciaron «con enorme ilusión», que se vendieron toles entraes. Sicasí «énte la altísima demanda«, la formación decidió programar una segunda sesión el mesmu sábadu a les 17.30h, que complementa a la de les 20.30h; dambes nel Teatru José León Delestal de La Felguera (Llangréu).
que van dar el 10 de xineru a les 20.30h nel
La venta de tol aforu pa un espectáculu d’una banda de gaites en malpenes una selmana aumesa la «espectación y el sofitu inmensu que ta xenerando esti proyectu cultural», comenten Gaiteros del Carbón. Les entraes pa la sesión de les 17.30h yá tán disponibles en gaiterosdelcarbon.com y nes dos sesiones va cuntase coles collaboraciones d’artistes pernomaos como son Nuberu, Xune Elipe (Dixebra), Marisa Valle Roso, Hevia y Celtas Cortos. Amás, queden artistes por anunciar, que se revelarán próximamente.
Nesti conciertu, Gaiteros del Carbón van tar tamién acompañaos por trés músicos asturianos de reconocíu prestixu: Rubén Bada (guitarres), Juanjo Díaz (batería y percusiones) y Ramón Prada (teclaos y baxu), que se va encargar, xunto col director de la banda Pablo Carrera, de los arreglos y la dirección musical.
Otra de les novedaes importantes que dio Gaiteros del Carbón estos últimos díes ye que son la imaxe oficial de la nueva camiseta del Real Oviedo pol Día de Santa Bárbara. «Ye una honra enorme que refuerza’l venceyu col mundu mineru y cola cultura asturiana y agradecemos fondamente’l sofitu del públicu, de los mecenes y de tolos colectivos que tán arropando esti proyectu tan especial», conclúi la banda gaites de les cuenques mineres.
Suscríbite a les nuestres novedaes
