Avérase la Navidá y con ella una de les tradiciones asturianes con más personalidá; la de las Salguerinas de Piarnu (Castrillón). Marisa Valle Roso ta acabante d’asoleyar en toles plataformes musicales un cantar nuevu n’homenaxe a elles, ‘SALGUERINAS‘. Ye un villancicu n’asturianu y n’acústicu qu’aporta tamién con un videoclip fechu por Made by kös y Sara Castaño. L’artista llangreana va presentalu mañana a les 19h na Casa la Cultura d’Avilés y llueu estrenalu na so canal de YouTube
Esti tema ve la lluz dempués del llanzamientu’l pasáu setiembre de Cenicientes, el trabayu más completu d’esta artista formáu por diez cantares qu’entemecen el folk col pop y los instrumentos electrónicos y nel que Marisa Valle Roso canta a les muyeres del carbón o al Tren de la Llibertá, pero tamién afonda no más personal, dedicando’l so espaciu a la salú mental, el gran problema de la sociedá del sieglu XXI. En definitiva, un cantu al feminismu, la llucha pola xusticia social, la reivindicación de la memoria colectiva asturiana y de la so identidá.
Suscríbite a les nuestres novedaes
