Esti pasáu vienres 1 y sábadu 2 foron les finales de la 42 edición del Concursu de Canción Asturiana qu’organiza’l diariu El Comercio na Plaza Mayor de Xixón. Los cantadores Isaac Sierra Longo (Parres) na categoría masculina y Alicia Villanueva Megido (Bimenes) na femenina resultaron ganadores d’ente un total de 14 participantes. Esti clásicu eventu del branu xixonés, coordináu por Valentín Fuente y con sofitu de Divertia, el Principáu d’Asturies, Caja Rural de Xixón y El Corte Inglés, fina’l próximu domingu 11 a les 12h cola so Gala d’Entrega de Premios na Plaza Mayor.
Les persones qu’actuaron na final de la categoría femenina son, por orden de clasificación: Alicia Villanueva Megido (Bimenes), María Luisa Martínez Suárez (Xixón), Cristina Sánchez Sánchez (El Valle Baxu de Peñamellera), Tatiana Suárez Díaz (Xixón), Lorena Corripio López (Colunga), Piedad García Guerra (Xixón) y Dorinda García Rodríguez (Lugo).
Per otru llau, los premiaos na categoría masculina foron, por orden: Isaac Sierra Longo (Parres), Isaac Sierra Longo (Parres), Sergio Menéndez Fernández (Xixón), Raúl Díaz García (Samartín del Rei Aurelio), Valentín García Fernández (Grau), Manuel Roza Llera (Colunga), Manuel López Menéndez (Cangas del Narcea) y Aquilino Fernández González (Llangréu).
Suscríbite a les nuestres novedaes
