La Banda Gaites El Gumial, Soi Panderetera, Ún de Grao, Rollu Folk y David Varela ponen música a la Primer Sidre l’Añu

Esti xueves 17 entama nel recintu Ferial Luis Adaro (Feria Muestres) de Xixón la XV edición de la Primer Sidre l’Añu, eventu qu’añalmente axunta actividaes musicales, culturales, gastronómiques y sidreres. La música’l país algama esti añu mayor protagonismu na programación d’esta cita gracies a les actuaciones de Soi Panderetera (xueves 17 a les 19h), Ún de Grao (vienres 18 a les 19h), Rollu Folk (sábadu 19 a les 19h) y David Varela col espectáculu ‘Cancios del llagar’ (domingu 20 a les 16h). Amás, la Banda Gaites El Gumial va facer dellos pases a lo llargo los cuatro díes que dura l’eventu. La entrada por xornada ye de 10 € y inclúi sidra de baldre y accesu a toles actividaes.