La Conseyería de Cultura va crear una web dedicada a la tradición oral asturiana

La Conseyería de Cultura, Política Llinguística y Turismu anunció la selmana pasada un proyectu d’archivu en llinia pa recoyer conteníos relacionaos col patrimoniu inmaterial asturianu. La propuesta, que pel momento cuntará con información y fuentes sobre la cultura castreña y un visor cartográficu de BIC (Bienes de Interés Cultural), va tar disponible n’internet a comienzos de 2023, y tará abierta a los archivos de tradición oral que quieran aportar los sos materiales a esti proyectu.

Ventiún años dempués de l’aprobación de la Llei de Patrimoniu Cultural d’Asturies (onde yá s’indicaba la necesidá de caltener daquella parte del patrimoniu que nun ye tanxible, sinón que ta na memoria de la xente) cabe destacar la importancia d’esti proyectu, puesto que según se comunicó, apunta a funcionar como un archivu de tradición oral de calter públicu, que permita la dixitalización de conteníos y el llibre accesu pa tos los interesaos. 

Dexa un comentariu

X