“Esti neñín (añada de Cardo)” yá ta en toles plataformes musicales

Yá ta en toles plataformes dixitales “Esti neñín (añada de Cardo)”, el cantar qu’asoleyaren per YouTube’l pasáu mes de setiembre Rubén Bada y Pepín de Muñalén xunto con Elías García, fináu nel 2019. Los tres intérpretes taben desarrollando nel momentu del fallecimientu d’esti últimu un proyectu a comuña.

La pieza ye una añada tradicional recoyida en Cardo (Gozón), anque cantada en tola zona del Cabu Peñes. Esta grabación inédita facía parte del repertoriu d’un discu nel que tamién diben participar el flautista Pepín de Muñalén y el contrabaxista René Ispierto. Por desgracia, el proyectu acabó de sópitu al morrer Elías, aunque quedaron grabaos dos temes cola so participación.

El tema va incluise nel primer trabayu en solitario de Rubén Bada, proyectu nel que ta trabayando anguaño esti músicu asturianu de gran proyección internacional.

Discos folk a la venta na tienda