L’asociación Caricós anuncia güei la nueva temporada de sesiones lentes (slow sessions) nel Chigre Folk L’Esperteyu (C/ Martinez Vigil, 1, Uviéu). Según publiquen n’un post d’instagram, van facese sesiones lentes dos domingos al mes, col oxetivu de facilitar que más xente pueda interesáse y deprender d’una manera cenciella y divertida la música tradicional y el folk asturianos.
Les sesiones lentes, como les presenten Caricós, son un puntu d’alcuentru pa too aquel que quiera ameyorar practicando’l so instrumentu en grupu, falando de música, charrando, y conociendo xente. Son sesiones nes que se toquen los temes munches veces y a una velocidad lenta pa que de tiempu a deprendelos.
Esti tipu de sesiones entamaron a facese va unos meses, con un pequeñu parón durante el branu, pa tornar agora nel horariu habitual, a les 18.00h, segundu y cuartu domingu de cada mes.
Una ferramienta habitual nestes sesiones, ye’l archivu Asturtrad.eu, de David Fernández, quien tamién collabora n’estes sesiones lentes. El sitiu web ufierta una montonera de partitures de temes de música tradicional y folk, con un reproductor configurable en velocidad y afinación, y amás permite descargar les partitures en dellos formatos.
Amás, esti ochobre tornen les sesiones n’El Cuévano, en La Pola Siero. La primer sesión anunciada ye’l miércoles 1 d’ochobre, a les 21h.
Suscríbite a les nuestres novedaes
