La violinista Blanca Sáenz de Miera dexa Corquiéu

El veteranu grupu folk Corquiéu ta acabante d’anunciar al traviés de les redes sociales que la so violinista a lo llargo de 15 años, Blanca Sáez de Miera, dexa’l grupu. Esti ye’l comunicáu de despidida de la banda ribeseyana:

«Depués de década y media tocando con nós, Blanca Sáenz de Miera, comunicónos fae unes meses la so intención de finar la so carrera como violinista de Corquiéu pa siguir col so desarrollu personal y profesional n’otros ámbitos. Dende esti grupu, y con munchísima pena, queremos date les gracies por ser la persona más exemplar, educada, trabayadora y humilde que pasó por Corquiéu dende la so creación. Ensin duda aprendimos muches coses de tí. La constancia y los innumerables esfuerzos creando bloque dicen mucho de tu profesionalidá. Dexas tu música plasmada nel discu “Suaña” que tanta ilusión te fizo preparar. Dexas munchu amor, valores y compañerismu y una defensa impecable de los temes en directu. Munchos viaxes xuntos, carretera, países, anécdotes. L’escenariu de Corquiéu siempre tará disponible pa tí. Munchísimes gracies de parte del to grupu Corquiéu compañera y siempre a mi izquierda».

Mercar discos de Corquiéu na tienda online