Esti sábadu 5 el Conseyu de la Mocedá del Principáu d’Asturies entama en La Benéfica de Piloña Xaréu. Folixa Moza, una cita «pasalo bien, compartir y da-y valir a la participación xuvenil, la tradición y el mundu rural», como comenten nes sos redes sociales. D’esta manera va haber de 16.30h a 23h una feria d’asociaciones, un mercáu artesanal y ecolóxicu, gastronomía y música asturiana col Grupu Folclóricu Trebeyu y Llevólu’l Sumiciu, amás d’otres actividaes.
Trebeyu van poner un taller de baille tradicional a les 18.30h y Llevólu’l Sumiciu van facer un DJ Set a les 21.30h. Amás, va haber otres actividaes y otros conciertos pa una cita que tien pinchéu de baldre y pa la que se ponen buses gratuitos dende Uviéu y Xixón.
Suscríbite a les nuestres novedaes
