L’Ochobre Folk asoleya’l so cartelu, feches y primeres actividaes

L’Ochobre Folk va cellebrar la so XII edición los díes 10, 11 y 12 d’ochobre. L’eventu, entamáu pol Grupu Folclóricu Prau Llerón, col sofitu del Ayuntamientu de Mieres, ta acabante d’espublizar el so primer cartelu. Esti añu van ufiertase charres, talleres, alcuentros de bandines, cantares de chigre, nueche en danza, alcuentru folclóricu, conciertos y xuegos y animación pa la reciella. Too ello col Parque Xovellanos como epicentru. Amás, yá ta disponible pa reserva la camiseta d’esta edición, y yá tan abiertes les inscripciones pa la espicha, que va ser el vienres 10 d’ochobre a les 22.00h

Pol momentu, nel avance de la programación ta anunciáu un taller del ‘Panderu Peñaparda y los sos bailles’, el sábadu 11 a les 11.00h, y una charra de Laura López sobre Xoyería Tradicional Asturiana, pal vienres 10 a les 19.00h.