Marisa Valle Roso sigue recoyendo la collecha de tolo que semó con Cenicientes, el so álbum últimu. Tres d’actuar per tola península Ibérica, el 25 de setiembre va facer la primer parada internacional d’esta xira. L’artista llangreana va llevar al Institutu Cervantes de Frankfurt, n’Alemania, la so propuesta dientro del ciclu musical Sounds From Spain. Ye un pasu más de la sonadía que ta garrando la cantautora tres d’algamar dellos gallardones y reconocimientos -como la nominación nos Premios de l’Academia de la Música-, y ampliar el so públicu.
Too esto ye gracies al so bon llabor y a una propuesta musical y discursiva enrraigonada nel territoriu. Tamién qu’esta artista curtida na canción asturiana ta esplorando con otres sonoridaes como la de la música electrónica. Precisamente, los últimos temes qu’asoleyó, ‘Acebachi‘ y la remestura de ‘Al Molín‘ fecha por Llevólu’l Sumiciu, enmárquense nesta llinia sonora. A la fin, «Asturische Folklore zwischen Pop und Elektronik», como pon nel cartelu del conciertu en Frankfurt.
Suscríbite a les nuestres novedaes
