Esta mañana nun hotel de Llión finaron Carlos García y Maribel Alberti, dueños d’El Cafetón d’Avilés. Esti llocal ye ún de los espacios fundamentales pa la música asturiana, contribuyendo dende va décades al xorrecimientu d’esta escena. Dientro y fuera de les puertes d’esti chigre, Carlos y Mari entamaron eventos como’l Sol Celta, jam sessions, milenta conciertos y otra montonera d’actividaes culturales estremaes. Tanto, que son mui pocos los músicos y músiques d’Asturies los que nun tuvieron colos sos instrumentos tocando n’El Cafetón.
Dende musicasturiana.com llamentamos fondamente esta perda y damos-y milenta gracies a Carlos y Mari por recibir les nuestres iniciatives y propuestes siempre con una sorrisa na boca y con bon tratu. Tamién por tolo que ficieron pola música del país y por otres causes sociales, contribuyendo dende Avilés a algamar una Asturies más xusta, solidaria y arguyosa de la so identidá.
Suscríbite a les nuestres novedaes
