Esti vienres 13 finó a los 102 años José Fernández, El Tordín de Frieres. Nacíu un 4 d’ochobre de 1922 na llocalidá llangreana de Frieres, pasó tola so vida venceyáu a la canción asturiana. En 1949 ganó’l so primer concursu de tonada; grabó unos ochenta cantares en decenes de discos con delles de les compañíes discográfiques más importantes del so tiempu; foi’l primer intérprete d’asturianada n’ufrir una actuación en Televisión Española; cantó n’Inglaterra y Bélxica; fixo delles composiciones… a la fin, foi ún de los nomes más destacaos y queríos de la canción asturiana nel últimu sieglu. Esti sábadu a les 16.30h na Ilesia parroquial de San Pedro de La Felguera va ser el so funeral y va quedar enterráu nel cementeriu municipal de Riañu, dempués de toa una vida puxando pola música asturiana.
Suscríbite a les nuestres novedaes
