Musicasturiana.com pon puestu na Semana Negra 2022, con más de 300 referencies a la venta

Per segundu añu consecutivu musicasturiana.com va participar na Semana Negra de Xixón. Del 8 al 17 de xunetu, n’horariu de 17h a 23h, esta tienda online tresllada’l so catálogu al mercadín de tiendes que va haber na feria y que vuelve a cellebrase nos astilleros de Naval Xixón. El puestu de musicasturiana.com -compartíu cola marca de ropa Puru Remangu- va asitiase enfrente del Kamtxaka Bar y nél va haber a la venta más de 300 referencies de música n’asturianu.

Como novedá destaca qu’esti portal dixital dedicáu a la música’l país va organizar la charra Música asturiana y lliteratura. Aprovechando’l calter lliterariu de la Semana Negra, Ruma Babero y Xune Elipe van compartir mesa pa presentar los sos últimes obres que tienen a la música como protagonista: el cómic Seltegu, l’ensayu Hai una llinia trazada y el discu-llibru de Dixebra Ente la niebla. L’actividá va ser el xueves 14 a les 18:30h nel Bar Kamtxaka, asitiáu enfrente del puestu de musicasturiana.com

La participación en 2021 de musicasturiana.com na Semana Negra foi un éxitu. Nos diez díes que duró la feria averóse una montonera xente pel stand -ye la primer vez qu’hai nesti certame un puestu especializáu en música n’asturianu- y se vendieron 113 discos; un reflexu del interés que tien el públicu en siguir mercando música en formatu físicu.

Dexa un comentariu

X