Musicasturiana.com regala’l llibru d’Ígor Medio y fai un 10% de descuentu el Día de les Lletres Asturianes

La tienda de Musicasturiana.com súmase a la cellebración del Día de les Lletres Asturianes. Tolos pidíos qu’entren na web el vienres 6 de mayu, amás de les ventes na oficina de Xixón (c/ La Estrella nº1 Baxu Izquierda, con horariu’l vienres de 9 a 14h), van tener un 10% de descuentu y llevar de regalu’l llibru Ígor Medio. El carbón y l’arena. El códigu de descuentu qu’hai qu’usar al facer la compra online ye diadeleslletres2022.

Los actos entamaos pola Conseyería de la Cultura, Política Llingüística y Turismu pa cellebrar la 43 Selmana de les Lletres Asturianes, rematen col Día de les Lletres. Nél quier potenciase la venta de música y llibros n’asturianu y/o gallego-asturianu ufiertando descuentos en compres y regalando una obra conmemorativa del autor/a o temática a la que se-y dedique la Selmana. Nesta ocasión regálase’l llibru Ígor Medio. El carbón y l’arena, una obra de 160 páxines dedicaes al músicu fundador de Felpeyu, productor discográficu y dibuxante de cómics que finó en xunu de 2006 y qu’esti añu cumpliría 50 años.

Con una presentación del presidente asturianu, Adrián Barbón, y un prólogu de Ruma Barbero y Norman Fernández, responsables de la programación d’actos d’esta edición 2022 de la Selmana de les Lletres; el llibru va percorriendo la vida y obra d’Ígor Medio, con testos de Boni Pérez, Gloria Caamaño, Chechu Álava, Ignaciu Llope, Miguel Rojo, Fernando Álvarez-Balbuena, Pablo Batalla Cueto y ún del propiu Ígor Medio escrito en 2004. Semeyes de la so trayectoria y dellos imáxenes de la so obra como dibuxante y guionista de cómics, acompañen esta obra dedicada a una figura fundamental de la cultura asturiana.

Mercar discos en musicasturiana.com nos que tocó Ígor Medio