Naz l’aplicación d’empreses y autónomos Made in Asturies, na que la música ta presente

Esti mes de marzu presentábase a traviés de les redes sociales una nueva aplicación pal teléfonu, Made in Asturies. Col oxetivu de ser «un requexín pa empreses y autónomos que-yos presta da-y usu al asturianu colos sos veceros», echaba a andar esta iniciativa na que tán presentes comercios, colectivos, editoriales, clubes deportivos, empreses de moda o turístiques, ente otros. La música tamién tien el so espaciu y los artistes, empreses musicales y músicos que quieran que la so información apaeza nesta APP namás tienen que rellenar esti formulariu.

Made in Asturies tien rellación col grupu de Facebook del mesmu nome y, según los sos promotores, anguaño quier «amestar tolos proyeutos que seyan posibles pa que se vea que les llingües nueses tán mui vives». L’APP pue descargase llibremente nesti enllaz https://5290281.igen.app/.