Somos les que canten, non la voz cantante. Nun necesitamos ser la única, porque tamos percontentes siendo toes.
Temazu. Música tradicional asturiana: gaita, tambor, pandereta. ¿Quién toca qué? A la gaita, el gaiteru mayor; al tambor, el gallu la quintana; a la pandereta, el maestru pandereteru. El xéneru na música tradicional asturiana. Yá tán estes. Yá tamos. ¿Tien xéneru la música? Sí. ¿Y qué pasa con él? ¿Manca? ¿Molesta? ¿Perpetúa? ¿Escuende?¿Asusta? ¿Da mieu? ¿A qué? ¿A quién? El xéneru, si nun lu toques, nun molesta. El problema vien cuando mires pa él. Y ehí pónensete los pelos de punta.
Por poner un casu, vamos falar de la pandereta, un instrumentu tradicionalmente femenín: en tolos pueblos había –y hai– muyeres que tocaben la pandereta, el latu, les cuyares, el vexigu… lo qu’hubiere pa facer música, pa cantar la vida. De la qu’amasaben el pan, na esfoyaza, nel filandón, mazando la mantega, a la siega, nes añaes, llavando en ríu, pal baille del domingu… Nel común, a comuña. Y siguimos faciéndolo. Y queremos siguir faciéndolo.
«El xéneru, si nun lu toques, nun molesta. El problema vien cuando mires pa él. Y ehí pónensete los pelos de punta»
Agora vamos a clas de pandereta. Hai pandereteres per tolos requexos. Ta estrao. Préstanos pola vida. Nel 8M del 2018 llevemos coples tradis con lletres nueves a la mani y Nun tamos toes fexo d’ello una forma de tar nel mundu. Y fexo escuela. La escuela taba puesta dende cuantayá. Porque lo tradi, pero tradi a retorcer, ye inventar. Lo que vives, lo que quies, lo que sientes, lo que desprecies, polo que nagües. De tola vida, esa ye la tradición.
«Lo tradi, pero tradi a retorcer, ye inventar. Lo que vives, lo que quies, lo que sientes, lo que desprecies, polo que nagües. De tola vida, esa ye la tradición»
Na tradición, sicasí, topamos bien de coses que nun nos presten: l’amor romántico; les penélopes esperando al zagal que vuelva de la guerra, la trashumancia o d’allende los mares; el “Amor míu vienes tarde, amor míu, tarde vienes, vienes de cumplir con otra, comigo cumplío tienes”; o aquella de “Si Cristo morrió na cruz con tres clavos solamente, como nun muerre to hermana que-y la clava tanta xente”; cómo nun alcordase de “Eres una, eres dos, eres tres y eres cuarenta. Eres la Iglesia mayor onde tol mundu entra”; y qué me dices de “Los carpinos de to padre van ataos con cordeles, vergüenza tenía que date, siendo en casa tres muyeres”. Temazu.
Son pertradicionales. Pero na tradición, tamién topamos otres ayalgues: “Esta que canta conmigo nun ye prima nin ye hermana. Ye una compañerina, que la quiero con tol alma”; “Canta compañera canta y ayúdame equí a cantar, que’l día que tu nun puedas, yo te podré ayudar”; “Compañera del alma dame la mano, que quiero pasar el río del otro lado”. Vaya guapo. Temazu.
¿Hai qu’estrapallar la tradición porque somos feministes y ye políticamente correcto? Non, nun hai que la estrapallar. ¿Quién decide qué ye la tradición? ¿Qué pasa colo que nun trescribió Torner? ¿Colo que nun recoyó Alan Lomax? La tradición hai que la conocer y hai que la guardar, porque diznos d’ónde venimos, pero ¿hai que la reproducir? ¿Toa? La que nos valga. ¿O qué? Igual hai cosines que tán bien guardaes nun caxón. Conoceles, val; promoveles, pa qué. ¿Por qué perpetuar lo que nos anula?
«La tradición hai que la conocer y hai que la guardar, porque diznos d’ónde venimos, pero igual hai cosines que tán bien guardaes nun caxón. Conoceles, val; promoveles, pa qué»
Vamos al presente. Nél creamos tradición: inventamos permanentemente, pandereta en mano. Recoyimos el testigu d’aquelles que cantaben al pie del ríu, nel filandón, que fixeron pueblu, que crearon comunidá. Y montamos grupos de pandereteres. Y cantamos. Lo d’enantes y lo qu’inventamos, que tamién ye tradición inventar (creo que yá lo diximos). Crear narratives nueves. Lo de siempre. Nun inventamos la pólvora: reinvidicamos la pólvora. Y lo bien que lo pasamos toes xuntes, cuantes más meyor. Un poder, compañerina.
«Nel presente inventamos permanentemente, pandereta en mano. Creamos narratives nueves. Nun inventamos la pólvora: reinvidicamos la pólvora»
¿Sabéis lo que pasa? Que nun se nos ve. Dacuando, nin se nos siente. ¿Sabéis del chef michelín cinco estrelles? ¿A que sí? Pues lo mesmo. A nosotres, lo que nos presta ye compartir la vida, l’espaciu, ún nel que naide se sienta pequeña, pequeña, pequeña, tan pequeña que desapaeza. Por eso facemos un corru y si llegasti tarde facémoste sitiu. Por eso nun suel haber una nel mediu. Nun somos la voz cantante, somos les que canten. Nun necesitamos ser la única, porque tamos percontentes siendo toes.
«A nosotres, lo que nos presta ye compartir la vida, l’espaciu. Por eso nun suel haber una nel mediu. Nun somos la voz cantante, somos les que canten. Nun necesitamos ser la única, porque tamos percontentes siendo toes»
¿La pandereta n’Asturies? ¿En Galicia? ¿En Lleón? ¿En Castiella? Agora, tien nome d’home. Son la nueva voz de la tradición. Ponen clase, creen escuela. Tán nel centru de toa folixa tradi que se precie. Bienveníos, compañeros. Presta muncho compartir l’espaciu. Taba ehí dende siempre, abiertu, afayadizu, como cuntamos enantes. Enllenu de muyeres. Agora tais nel centru. ¿Cuántes estrelles michelín necesitáis? ¿Tocáis una que sepamos? ¿Facéis un güequín?
Suscríbite a les nuestres novedaes
4 respuestas
Me vais a perdonar …..pero…quien los està poniendo en el centro????
Me da la sensación que precisamente sois vosotras las que necesitáis ponerles en el centro con un foco para generar una controversia innecesaria e inexistente.
No hay peor cosa que querer una igualdad que no sois capaces de tolerar.
Sin mencionar que gracies a muchos de esos paisanos conoceis esti mundo.
Me parece muy desagradecido y desafortunado este artículo.
Desde mi ignorancia…. esas letras que queréis guardar en un cajón son historia, gustarán mucho,poco o nada….yo que sobrevuelo sobre los extremos ,esa letras no me ofenden,están escritas en un momento de la historia. Quién sabe dentro de 50 años el significado que se les dará a las nuevas letras ¿¿¿ las guardarán en un cajón????
En cuanto a los hombres que difunden su sabiduría en torno a la pandereta,solo deberíamos dar las gracias, ya que fueron mucho de ellos los que nos abrieron los ojos y nos dieron el testigo ,decir que lo recogemos….a muchas les viene grande, y nos lo dieron para que esa pandereta tocada por mujeres permaneciese presente para todas nosotras. Lo tradi no es tuyo,ni mío,es nuestro, de hombres y mujeres. O si queréis de mujeres y hombres.
Paezme que la recepción del artículu nun ta llogrando lo que pretendía porque tán sacándose conclusiones de cuestiones que nun plantea. Cuido que nél nun se diz que sobre naide, al revés: “Bienveníos, compañeros. Presta muncho compartir l’espaciu”. Lo que ta planteando ye cómo los homes tán ocupando esi espaciu -ayenu a ellos hasta agora-, ta faciendo una foto fixa de la (re)presentación d’unes y otros no público. N’analizando los datos oxetivos, cuando te pares a observalo y reflexonar, decátesete de la falta d’igualdá nesti ámbitu concretu de la panderera. Desigualdá asemeyada a la d’otros sectores tradicionalmente feminizaos, como la costura o la cocina.
El presidente del Colexu d’Enfermeres d’Asturies ye un home. Tamién la mayor parte de los directores d’institutu. Nos patios de les escueles, los rapacinos siguen ocupando’l centru y les rapacines la periferia. Evidentemente, esto nun ye porque esi enfermeru, los profesores o los escolinos sían unos machistes qu’esfruten subordinando a les compañeres. El sistema ta montáu asina. Llámase patriarcáu.
Esi sistema beneficia a unos y perxudica a otres. Por eso tenemos l’enfotu d’acabar con él. La realidá a día d’hoi ye que n’Asturies y en Galicia -lo que conozo-, la profesión de pandereteru ye más cosa d’homes que muyeres. Y eso que nós llevamos tocándola dende bien antiguo, somos mayoría nos grupos de baille, les informantes de los cantares y toques de pandereta, etc.
Equí nun se ta diciendo que los homes que se dediquen al oficiu de pandereteru n’Asturies o Galicia sían unos machirulos, nin tampoco se cuestiona la so profesionalidá. Non. De lo que se fala ye de la violencia simbólica que tamién campa nel mundu de la pandera, nun diba ser esto un oasis d’igualdá en metá d’un desiertu patriarcal. Pero molaba que lo fuera. Y la única forma de llogralo ye, pa entamar, poniendo la problemática enriba la mesa.
Gracies, compañerines. Bienllegaos, compañeros.
«Bienveníos, compañeros. Presta muncho compartir l’espaciu. Taba ehí dende siempre, abiertu, afayadizu, como cuntamos enantes. Enllenu de muyeres. Agora tais nel centru. ¿Cuántes estrelles michelín necesitáis? ¿Tocáis una que sepamos? ¿Facéis un güequín? »
¿De verdad esto es una bienvenida???…..
Porfavor…..
¿Quién los está poniendo en el centro??
En este caso,en concreto,el matriarcado está «cagando fuera la pota».
Desprestigiando un trabajo brutal detrás de esta recopilación y mantenimiento de la tradición que más que queme,en este caso,la hicieron PAISANOS.Como mínimo, un respeto.
Se puede querer igualdad sin pisar el trabajo ni el pan de nadie.
No tengo ganas,ni tiempo,para explicar que es una pena que tengamos que desmerecer trabajos tan buenos para todos por el género.