Va dellos díes, el grupu de rock-folk Spanta la Xente daba anuncia de la so vuelta a l’actividá con esti mensaxe en redes sociales acompañáu de delles semeyes nes que pueden vese cares nueves: «Güei, nuna tarde de seronda cinco años dempués tornando al abeyugu del llar d’ensayu…. Con especial ciñu pa tola xente que naguastis pol nuesu tornar, vémonos».
Spanta la Xente ye un de los grupos más populares de la nueva xeneración del rock astur. Formaos en 2007 en L.lena, la so vinculación a esti conceyu mineru ye más qu’evidente, con unes lletres que recurren davezu a la realidá de les cuenques mineres pa denunciar la so situación. Musicalmente faen rock entemecíu con folk y pop. Tán reconocíos pola crítica en premios como los AMAS o los de l’Academia de la Música d’España, pero’l so mayor sofitu vien del públicu; yá que son de los grupos d’anguaño tienen meyores cifres de ventes de discos y de reproducciones nes plataformes dixitales.
Suscríbite a les nuestres novedaes
