Skontra, Ochobre, Misiva, Dixebra, Skama la Rede y La Tarrancha van actuar en marzu y abril. El rock n’asturianu muévese y el primer conciertu de la temporada va ser esti sábadu con Skontra y Ochobre tocando xuntos na Cervecería La Traviesa de L’Infiestu (Piloña). A los siete díes Ochobre repiten, teloneando esta vegada a Misiva na sala Gong, onde la banda moscona va presentar el so trabayu nuevu Mala Relixón. Otra cita doble ye la de Dixebra y Skama la Rede, que’l 8 d’abril van tocar tamién nel conceyu Piloña, nesti casu en Valles, nel llocal de l’AMC Pepe Bocanegra. Esti conciertu va suponer la continuación de la xira Ente la niebla de Dixebra, que va llevalos per una montonera escenarios de tol país. Per último, yá a finales del mes que vien, el 29 d’abril, actúen na sala Albéniz de Xixón La Tarrancha, Ochobre y Escuela de Odio -mítica banda hardcore que tien dellos temes n’asturianu- nun conciertu reivindicativu enmarcáu dientro del 1 mayu.
Suscríbite a les nuestres novedaes
