En 2005 abrió en La Pola Siero la Taberna Cuévano, un llocal que dende l’aniciu tuvo clara la so función de puxar pola bona gastronomía y la música en vivo. Dos décades dempués esto sigue asina y el Cuévano convirtióse n’ún d’esos llugares fundamentales pal espoxigue de la música’l país gracies al llabor d’entamar una montonera conciertos nos que la música tradicional tien muncho protagonismu, acoyer jam sessions y tamién venta de discos, ente munches otres coses. Pa festexar too esto el llocal polesu entama esti miércoles 16 un conciertu nel que van actuar el grupu ska-fusión La Tarrancha y el dúu de música tradicional castellana Los Mellizos de Lastras. La entrada ye -como siempre nesti llocal- de baldre y la folixa entama a les 21h.
Suscríbite a les nuestres novedaes
