La Taberna Narciso va celebrar el so aniversariu con una programación cultural que s’estiende a lo llargo de tol mes de mayu, combinando cine, música y actividaes pa tolos públicos. Dientro d’esta ufierta destaca una apuesta decidida pola música en directo, con propuestes que van dende la fusión contemporánea hasta’l folk tradicional.
Ente les propuestes del aniversariu atópase l’actuación de Tasio, prevista pal sábadu 9 de mayu a les 22:30 hores. El proyectu va presentar una nueva propuesta onde se fai una mestura de la música electrónica y l’asturiana, onde s’e mesturen’entemecen soníos actuales con influencies de la música tradicional. La propuesta presentóse per primer vez el pasáu mes de marzu nos Almacenes Kuivi d’Uviéu.
Otra de les actuaciones destacaes va ser la de María Trubia y Pau Santirso, que van protagonizar una sesión especial el domingu 24 de mayu a les 13:00 hores. Baxo’l formatu de vermú en danza, la propuesta combina música en directo con espaciu pal baille y la participación del públicu.
El cierre musical del aniversariu va venir de la mano d’Abéu que va actuar el domingu 31 de mayu a les 13:00 hores. El grupu va aportar los soníos tradicionales asturianos, con un repertoriu que pon en valor la música de raigañu y la so tresmisión ente xeneraciones. Va ser un final acordies cola identidá cultural del espaciu, apostando por una sonoridá que conecta col territoriu y la tradición.
Suscríbite a les nuestres novedaes
