La tienda de Musicasturiana.com súmase a la cellebración del Día de les Lletres Asturianes. Tolos pidíos qu’entren na web esti vienres 8 de mayu, amás de les ventes de discos y llibros na oficina de Xixón y na tienda de Puru Remangu d’Uviéu, van tener un 10% de descuentu y llevar de regalu’l llibru De viva voz. Taresa Cónsul y el teatru asturianu. El códigu de descuentu qu’hai qu’usar al facer la compra online ye diadeleslletres2026.
Dende’l 30 d’abril ta celebrándose la 47 Selmana de les Lletres Asturianes, qu’esti añu rinde homenaxe a Taresa Cónsul, considerada la primer dramaturga conocida en llingua asturiana, y al teatru popular o costumista asturianu, un xéneru de raigañu centenariu que desempeñó un papel esencial na tresmisión cultural y llingüística d’Asturies y pal que, amás, la conseyería ta tramitando l’espediente pa la so declaración como Bien d’Interés Cultural (BIC).
Suscríbite a les nuestres novedaes
