Toli Morilla actúa nel capítulu 17 d’Amosando

Toli Morilla ye’l más veteranu de la xeneración de cantautores posterior al Nuevu Canciu. Con una cuidada propuesta musical qu’entemez el rock acústicu, la canción d’autor y el folk.

Noticies

Yá ta disponible en YouTube el capítulu 17 d’Amosando, el ciclu de presentaciones de discos en formatu íntimu grabaos y retresmitíos por Internet qu’entamamos musicasturiana.com. Nesta emisión actúa Toli Morilla, el más veteranu de la xeneración de cantautores posterior al Nuevu Canciu. Con una cuidada propuesta musical qu’entemez el rock acústicu, la canción d’autor y el folk, tien una discografía que se remonta a 1998, que ta formada por ocho referencies tanto n’asturianu como en castellanu y qu’acumula dellos premios. ‘Canciones Transgénicas Para el Mundo Mascota’ ye’l so últimu discu, qu’inclúi dos temes n’asturianu y que presenta n’Amosando.