La televisión pública asturiana emite esti domingu a les 21.45h Xuntanza, «un programa nuevu para celebrar la música a traviés de quien la vive, la reinventa y la tresmite«. Esti primer capítulu ta protagonizáu pol músicu y baillador Pau Santirso y xunto a él van tar otres figures destacaes de la música tradicional.
«Ye un programa de divertimentu, de baille, de pandereta, pero contáu d’una manera distinta y alegre y con una montonera d’invitaos», desplica Santirso sobre Xuntanza. Nel capítulu d’esti domingu participen «collacios» del artista como Herbamora, Xosé Ambás, La Banda Latira, Pandereteros d’Anguaño, el gallegu Xurxo Fernandes y Xeitu, que dan una actuación especial «con 35 persones vestíes de 1900», destaca’l presentador del episodiu. Nos vinientes capítulos, van ser otres figures públiques les que protagonicen y guíen los episodios.
Cola emisión de Xuntanza, la música fecha n’Asturies va sonar y vese con puxu durante un tiempu los domingos en TPA gracies a esti programa y a Sonadía qu’estrena tamién esti 11 de mayu a les 22.45h de la nueche la so segunda temporada.
Suscríbite a les nuestres novedaes
