“Villa Maravilla” de Los Berrones ya pué sentise en plataformes musicales
Doce años dempués de sentilu per primer vez, yá ta en toles plataformes musicales “Villa Maravilla“, el cantar del grupu de agro-rock por escelencia. Esti “himnu” de Los Berrones que marcó a varies xeneraciones, acompañó a los aficionaos al fútbol nel mundial de 2010, pero nun quedara rexistráu nun discu o un cenciellu. Güei espublizóse en más de 60 plataformes dixitales de tol mundu y de xuru que va suponer un recuerdu prestosu pa los sos siguidores.
El grupu va zarrando asina esti añu, nel que cumplieron 35 años d’hestoria y dieron más d’una decena de conciertos col tour “Añu 1 d.C. (Dempués del Covid)“, incluyendo l’actuación na Playa d’El Natahoyo de Xixón acompañaos pola Banda de Música de Pravia, que foi grabada y retransmitida na TPA’l sábadu pasáu. Too parez indicar que vamos siguir viendo garabatos y gadaños polos escenarios. Oxalá por munchu tiempu.
