«‘Camín de Glasgow’ ye un tema con un arreglu más representativu del folk y con muncho ritmu«. Con estes palabres define Vítor Carbajal, codirector de la Banda Gaites Llacín, la pieza qu’escoyeron como segundu adelantu del so próximu discu y que yá ta disponible en YouTube y les demás plataformes musicales. Pa sentir l’álbum completu de Resollu va haber qu’esperar al 27 de xunu, anque yá pue acutase en preventa pa recibilu’l día del llanzamientu. La presentación en directo va ser el 4 de xunetu en Llanes con un conciertu perespecial.
‘Camín de Glasgow’ ye un amiestu de trés melodíes con sabor escocés. Emprima con una interpretación de los músicos del grupu Llau del tema ‘Smoked Lamb’ de The Tannahill Weavers. La segunda pieza del mesmu repertoriu ye ‘Dancing Feet’ y zarra esti set col tema escocés ‘Major Campbell Graham Reel’, que la banda llanisca recoyó del vigulinista de Llan de Cubel, Simon Bradley. Andechen con ellos Lisardo Prieto al vigulín, Dani Álvarez a la flauta travesera y bodhran y Luis Nicolás a la guitarra; mientres que les igües pa la banda tán feches por Vítor Carbajal y Moisés Suárez.
A lo llargo de 53 minutos Resollu axunta dellos estilos, qu’asina presenta Carbajal: per un llau hai «sets de pieces propies del repertoriu tradicional asturianu con arreglos de folk acústicu, que tamién s’amesten a otres melodíes del Arcu Atlánticu«. Tamién hai «composiciones nes que s’opta por otra llinia de soníu qu’inclúi baxu, batería y vientos metales» -el primer cenciellu ‘Resollu‘, enmárcase nesti son-. «Como contrapuntu presentamos otres propuestes nes qu’añadimos una llinia instrumental na que destaca’l pianu y el cuatru«, un exemplu d’ello ye una versión del míticu ‘Chan Chan’ de Compay Segundo. Resolllu recueye tamién pieces qu’inclúin programaciones electróniques y entemez temes compuestos por Vítor Carbajal, otros tradicionales y versiones como’l «homenaxe mui especial a Igor Medio y Carlos Redondo» con una reinterpretación de ‘Los fayeos de mayo’ de Felpeyu.
«Tamién ye de destacar l’apartáu vocal en tres de los temes, que nos permiten ufrir una propuesta más abierta de soníu, na que destaquen dos dances: una de Ponga y otra de Santa Marina de Parres (Llanes)», añade’l codirector d’esta banda de gaites que tien más de 50 componentes. Amás, el discu cunta coles collaboraciones de pernomaos homes de la música asturiana que formen parte d’agrupaciones como Llan de Cubel, Felpeyu, Corquiéu o Tuenda, ente munches otres: Lisardo Prieto (vigulín), Luis Nicolás (guitarra), Moisés Suárez (guitarra y bouzuki), Julio Rodríguez (bouzuki), Dani Álvarez (flauta travesa y bodhran), Pepín de Muñalén (flauta travesera), Miguel Herrero (viento metales), Israel Sánchez (batería), Sam Rodríguez (piano), Sergio Rodríguez (baxu y programaciones) y Xosé Antón Ambás (voz).
«Tamién ye de destacar l’apartáu vocal en tres de los temes, que nos permiten ufrir una propuesta más abierta de soníu, na que destaquen dos dances: una de Ponga y otra de Santa Marina de Parres (Llanes)», añade’l codirector d’esta banda de gaites que tien más de 50 componentes. Amás, el discu cunta coles collaboraciones de pernomaos homes de la música asturiana que formen parte d’agrupaciones como Llan de Cubel, Felpeyu, Corquiéu o Tuenda, ente munches otres: Lisardo Prieto (vigulín), Luis Nicolás (guitarra), Moisés Suárez (guitarra y bouzuki), Julio Rodríguez (bouzuki), Dani Álvarez (flauta travesa y bodhran), Pepín de Muñalén (flauta travesera), Miguel Herrero (viento metales), Israel Sánchez (batería), Sam Rodríguez (piano), Sergio Rodríguez (baxu y programaciones) y Xosé Antón Ambás (voz).
El vienres 4 de xunetu La Banda Gaites Llacín va presentar too esto en directo en La Vega La Portilla (Llanes) nun conciertu perespecial nel que van participar los sesenta componentes d’esta formación xunto con una trentena de músicos y danzantes ente los que s’inclúin dalgunos de los nomes más destacaos del folk asturianu. A les 22h y con entrada de baldre ye esta cita na que tamién van tocar Felpeyu y Baxel.
El conciertu de l’agrupación llanisca van tar caracterizáu por 100 minutos de música en directo nos que van sonar «14 temes que parten de la esencia tradicional y folk y viaxen per dellos estilos dientro de los que tamién van sonar composiciones propies y tamién d’otros artistes de la música nacional y internacional», como despliquen dende’l Ayuntamientu de Llanes, institución que patrocina, sofita y organiza esta cita xunto cola propia agrupación tradicional.
Ente los nomes que van xubir al escenariu alcuéntrense bona parte de los collaboradores na grabación del propiu Resollu. Los componentes de Felpeyu Lisardo Prieto (violín), Ruma Barbero (bodhram), Diego Pangua (flauta travesera), Luis Nicolás (guitarra), Aníbal Menchaca (bajo) y Alberto Ablanedo (bouzouki); otros destacaos instrumentistes del folk asturianu Dani Álvarez (flauta travesera), Julio Rodríguez (bouzouki) y Pepín de Muñalén (flauta travesera); amás d’otros músicos como Richard García (teclaos), Miguel Herrero (trompeta), Kiko Flores (saxu), Leo Pousa (trombón), Israel Sánchez (batería) y Sergio Rodríguez (baxu). A ellos súmense tamién les voces de Xosé Antón ‘Ambás’, Lluci G. Palomares y les collaboraciones de Mónica Delgado y el Grupu Etnográficu l’Oriente, ente otros artistes.
Suscríbite a les nuestres novedaes
