20 referencies de Fonoastur yá tán a la venta en Musicasturiana.com

Fonoastur foi una discográfica fundada en 1987 que durante más de dos décades d’actividá asoleyó delles de les referencies discográfiques más importantes de la música asturiana. Discos d’artistes como Llan de Cubel, Muyeres, La Bandina, Nuberu, Xentiquina, Mariluz Cristóbal Caunedo, DRD… salieron baxo esti sellu dirixíu por Lisardo Lombardía (miembru de la Fundación Belenos y ex Director del Festival Intercélticu de Lorient). Dempués de 5 años d’espera, dalgunos de los trabayos más destacaos qu’editó Fonoastur yá tán a la venta pa cualquier país del mundu na tienda online de musicasturiana..com. En total son 20 les referencies disponibles.