6 Riales, Rosa ‘Cunqueira’, Anabel Santiago, Sabu de D’Urria y Delfín Valdés canten “Rompiendo Murios”

Coincidiendo col 8 marzu, el tríu de percusión 6 Riales asoleyó un nuevu cantar, “Rompiendo Murios“. Nel videoclip -de la que la banda avisa que ta «fechu en casa y grabáu col móvil pero con tola ilusión»-, collaboren Rosa de La Guarida del Cunqueiru, José Manuel Sabugo “Sabu” del grupu D’Urria, Anabel Santiago, Delfín Valdés de La Tarrancha y K-Nalón, y AMECO Asturias col llinguaxe de signos. Esta canción foi amás una de les que sonó nel actu final de la manifestación pol 8 de marzu cellebrada en Xixón.

6 Riales ye un grupu formáu por Alba Menéndez, Elisabeth Montequín y Natalia Vega. Sobre’l ritmu de les panderetes y d’instrumentos tradicionales de percusión como’l morteru, la llata pimentón y les cuyares, reinventen la tradición ensin perder la so esencia. Nel so repertoriu tienen música pa baillar, cantares de fuera d’Asturies y composiciones propies.

Mira’l videoclip de “Rompiendo murios”

Mercar discos folk na tienda online