Xixón conviértese na capital de la música asturiana y esti ye’l resume pa enterate de tolo qu’hai

Les fiestes de Ciares y de Granda del recién acabáu fin de selmana foron l’antecedente de lo que ta por llegar en Xixón a lo llargo los próximos díes. Y ye que la Villa de Xovellanos va convertise na capital de la música asturiana gracies a acoyer dellos eventos dende güei y hasta’l próximu 15 d’agostu: el XXIV Festival de Gaites Villa de Xixón, l’Arcu Atlánticu; el Festival Folclóricu Internacional; la final de 42 Concurso de Canción Asturiana el Comercio; la Semanona col so pregón; los conciertos de Rodrigo Cuevas, Hevia y el Día d’Asturies en Xixón; van enllenar de música’l país les cais del conceyu que más apuesta por programar soníos de raigañu. Esti ye un resume de toles cites nes que va sonar la música n’asturianu:

XXIV Festival de Gaites Villa de Xixón

Dura dende’l llunes 29 hasta’l sábadu 3 cola siguiente programación de música asturiana (amás d’otres actividaes):

Llunes 29:

• 18.30h na Antigua Escuela de Comerciu: Conferencia/Conciertu Gaites Antigües a cargu de Fonsu Les Regueres.
• 20h na carpa del P. Institutu: Conciertu de Xaime Arias & Carlos Casado.

Martes 30:

• 20h na P. Institutu: Conciertu de Pandereteros d’Anguaño.

Miércoles 31:

• 20h na carpa P. Institutu: El conciertazu pal baille.

Xueves 1:

• 20h na Plaza’l Marqués: Banda Gaites Villa de Xixón.

Sábadu 3:

• 19h nos Xardinos de la Reina: Banda Gaites Castrillón y Banda Gaites Villa de Xixón.
• 21.30h na Plaza Mayor: Gala 24 Festival de Gaites Villa de Xixón.

Arcu Atlánticu

Dura dende’l martes 30 hasta’l domingu 4 cola siguiente programación de música asturiana (amás d’otres actividaes):

Miércoles 31

• 13.30h na Plaza Xovellanos: Conciertu de Deira.
• 18h nos Xardinos de la Reina: Taller de vestimenta tradicional.
• 20.30h nel Muséu del Pueblu d’Asturies: Conciertu de Nuberu.

Xueves 1

• 13.30h per Cimavilla: Pasucáis de La Garrapiella.
• 20.30h nel Antiguu Institutu: Conciertu de Guieldu.

Vienres 2

• 19h na Plaza La Corrada: Conciertu de Llevólu’l Sumiciu.
• 20.30h nel Antiguu Institutu: Conciertu de La Bonturné.

Sábadu 3

• 13.30h na Plaza Xovellanos: Conciertu Pulgarina d’Alicia Álvarez.
• 19h na Plaza Xovellanos: Conciertu d’Ún de Grao.
• 20.30h nel Antiguu Institutu: Conciertu de Muyeres.

42 Concursu de Canción Asturiana El Comercio

El xueves 1 y vienres 2, a les 19h, na Plaza Mayor de Xixón van ser les finales d’esta cita imprescindible cola asturianada na villa de Xovellanos.

• Xueves 1: Valentín García Fernández, Tatiana Suárez Díaz, Manuel López Menéndez, Marina Carbajosa González (Moza), Aquilino Fernández González, Lorena Corripio López., Isaac Sierra Longo, Alicia Villanueva Megido.
• Vienres 2: Dorinda García Rodríguez, Raúl Díaz García, Piedad García Guerra, Nestor Díaz González (Moza), Cristina Sánchez Sánchez, Manuel Roza Llera, Luisi Martínez Suárez, Sergio Menéndez Fernández.

Festival Folclóricu Internacional

Dura dende’l martes 30 hasta’l sábadu 3 y la cultura asturiana va tar representada con estes actuaciones:

• Miércoles 31 a les 22h na Plaza Mayor: Agrupación Folclórica Los Xustos.
• Xueves 1 a les 22h na Plaza Mayor: Grupu Folclóricu Trebeyu.
• Vienres 2 a les 22h na Plaza Mayor: Asociación de Coros y Danzas Jovellanos.

La Semanona

Dura dende’l sábadu 2 hasta’l xueves 15 y la música’l país va sonar nestes actuaciones:

• Sábadu 3 a les 21h na Plaza Mayor: Pregón cola participación de Manuel Durán y Lorena Corripio; Grupu folclóricu La Alegría; Coros y Danzas Flor de Xaranzaina; Grupu de Coros y Danzas del Real Grupo de Cultura Covadonga; Asociación de Coros y Danzas Jovellanos; Grupu Folclóricu Trebeyu; Escuela de Música Tradicional Trubiecu; Grupu folclóricu El Xiringüelu; Grupu folclórico El Xolgoriu; Agrupación folclórica asturiana Los Xustos; Moisés Martínez López (gaita) y Víctor Manuel Álvarez González (tambor).
• Domingu 4 a les 10.30h dende’l Paséu d’El Molinón hasta L’Atalaya: Desfile tradicional del Día d’Asturies en Xixón cola participación de Banda de Gaites Villa de Xixón, Banda de Gaites Infantil Magüeta, Banda de Gaites Jovellanos, Música y Baile Tradicional Excelsior, Coros y Danzas Flor de Xaranzaina, Asociación de Coros y Danzas Jovellanos, Andecha de Música Tradicional Na Señardá, Grupo de Coros y Danzas del Real Grupo de Cultura Covadonga, Grupu Folclóricu Trebeyu, Escuela de Música Tradicional Trubiecu, Grupu folclóricu El Xiringüelu, Grupu folclóricu El Xolgoriu, Agrupación folclórica asturiana Los Xustos, Banda Gaites Noega, Banda Gaites Conceyu de Xixón, Banda de Gaites Castrillón, Banda de Gaites Saxum, Banda de Gaites de Villaviciosa.
• Domingu 4 a les 23h en Poniente: Rodrigo Cuevas.
• Martes 6 a les 23h en Poniente: Hevia.
• Xueves 15 a les 14h nel Paséu del Muru: Danza Prima colos grupos folclóricos de Xixón.

Mercar discos folk, celta y de gaita na tienda online